Nomor 1
O.. aluk mellao langi' , O.. pemali bu'turi tana.
Masai allo moko napoaluk Pong Mulatau
Mallun pariamoko naposangka' tau bunga'
Umbai makamban moko kisala dandan to masai allo, manimpa' moko kilenda sumallang to kulla' pura di boko'
Aluk unnola rampe matallo, umpolalan kabu'tuan kulla'
Silelemoko kupengkaboro' I, pantan moko kupengkamoyai
Anna popentoean manda' ko to tumanan bua', anna popenanti matoto' ko to rumanduk pa' maruasan
La kupopem- banu moko sarinna kanan, la kupokaseroanna moko bu'tunna kalimbuang boba
Uai bu'tu ri batu sakke ombo' ri tana pirri'
Uainna pong tulak padang, sakkena pong talomba tanete
La kusorongan moko babona piong, sola pemala' manuk ma' bulu tinggi. anna atena londong ma'bulu sarita
La kupairu' moko passari lallo bisara, la kupaiso' moko pamba'ta torongko'. Ammi mangka kumande sanda mammi' ammi upu' tumimbu' sanda marasa
Ammi popamuntu lolo rangka' na to sangbala bua' ammi bayakki ta' bi tarunona to sangpenanian.
Ammi pora' I lindo masakke ammi pi'pikki tanda marendeng.
Nmor 2
eeengganna te totama solo' totama tuka' totiumba matallo matampu' todollo' lopi bulawan dayamai di poulunna salu totiumba' lo'mai tipariti'na minanga lambek.. ooeeeeee mekatabe'na' lako kasalle barinni' lako kalando kaoni' sitang silolok lalamba lakayu allang, limbong lante rante kalua' lampentionganni tommbi saratu' tasik tang bone-bone sumapu randanan lante tandung sea-sea...
oooeeeeeeeee tasiparapa'pa massolanasang tasita'tantapa angga mairi' angku bendanpa temetamba teturunku tunannang meongli' dao te lakkian lalong inde pandung diongkilo, eeeeee tapatanan rampa'pa talinga duanta massola nasang tapalidan maya-mayapa suling pa'peranggi angga mairi' tangsenga'na renden tapatananni talinga duanta tangleanri senga' lata patananni suling pa'perangginta...
apainderia tonalambi'mo menpuruk lampak tonadetek kasanda suka'na tonalambi'mo konno bannu'na nadetek kullak kasidollokanna dipalendu'mo tama rante kalua' di patiladongmo tama tandung kalonaran di pamamma' dao te lakkian lalong di pamatindo daote tandung diankilo...
keeeeelambi'mi tandan allukna kulla' sidollokanna di sukaranmi kinallo lalanna lan rante kalua' disukaran mibarra' lan tetandung massea-sea... oooeeeeee latumengka tedongna inde randan dipudukku lakumbaya' karambaumi inde dara' lengko lilaku lambi' mi dadinna inde lalong laku detek mi tampo rapa'na inde muane sundun garaganna... kumua ya ade' tonna tambukpi indo' tomendadianna tonna ambe'matasak tododo' kumombongna naporetampami dao pa'tambukanna indo' tomendadianna di pasundun pantarisanna inde pa'batenganna dodo' tokumombongna ganna'mi ade' tamparapa'na sundunmi pantarisan makarengna nalambi'mi pantan allu'na na dete' kulla kasidollokanna tonna ganna'mo pa'bulaannanna lasundunmo pa'taunanna...diiiiiiiiiiiii panguriasanmi lan tanggana bongi dipasuma'dinganmi lan passeko mallilin..di landolalanimi toma'pakianakna ilan padang babangan a'pa di langka pa'taunanimi tomang api'na ilan tondok pa'paelean.. eeeeeeeetona di sondongmi toma'pakianakna limbong diong ballaran ampa' endek dipalantakmi tomang api'na tasik diong rantean tuyu tangsala suka'..
Kirimkan Komentar yang membangun
Tidak ada komentar:
Posting Komentar